Azken eguna

Arbizura iritsi dira ikasle ibiltariak

Gaur goizean behe-lainoarekin esnatu arren Urbasa jaisteari ekin diote martxalariek. Bakaikura iristerakoan, bertako elkartean kafe bero bat hartu ondoren EHNE sindikatuaren eta Akuilu baserritar gazteen elkartearen hitzaldia entzuteko aukera izan dute. Gaia subirautza alimentarioa izan da eta gaur egungo baserritarren egoeraz eta honek dakarren elikagaien gaineko merkantilizazio basatiaz aritu dira. Ondoren Bakaikun burutu zen Europako Ikasle Foroaren inguruko hitzaldia entzun ahal izan dute. Orain Arbizura iritsi dira ikasle ibiltariak. Merezitako dutxaren ondoren, aldarrikapenez betetako kalejira koloretsu bat burutuko dute herriko kaleetan zehar.

Urbasan barna ibili dira ikasle ibiltariak

2. eguna

Urbasan barna ibili dira ikasle ibiltariak

Aranaratxen gaua pasa ondoren, Urbasako paraje ederretan barneratu dira martxalariak. Gaurkoan, Nafarroa 1512-2012 plataformaren eskutik hitzaldi bat jaso dute. Euskal Natura ikasle elkarteko kide eta beste ikasle batzuen eskutik Urbasako fauna, flora, klima eta geologiari buruzko eskola ibiltari bat jasotzen ari dira momentuan.

Hasi da eskola ibiltaria!!

35 ikasle ibiltariek hasi dute lehen etapa, Lizarratik Eulatera eramango dituena. Gaur goiz osoan zehar Lizarran izan ostean, Viloriara abiatu dira autobuses. Bertan azken ikazkinetako baten hitzaldian egon ondoren Eulaterainoko etapa hasi dute Urbasan zehar barneratuz. Oraingoz eguraldia lagun dute, baina gauerako ekaitza iragarrita dagoela eta, pilotaleku batean lo egingo dute. Hala ere umorez eta alai hasi dute lehen eguna.

Eskola Ibiltarira hiru egunez joan ezin dutenek azken eguneko afariaz gozatzeko aukera izango dute

Orain pare bat aste hasi zen Eskola Ibiltarian izena emateko matrikulazioa eta ordutik 30 pertsona inguruk eman dute izena bertan. Oraindik izena emateko epea zabalik dago eta Eskola Ibiltarira hiru egunetarako joan ezin direnenek ere azken eguneko afari eta aisialdi eskaintzan parte hartu ahalko du! Animatu!

Eskola Ibiltarirako izen emate epea zabalik da

Eskola Ibiltaria uztailaren 2tik 4ra izango da aurtengoan, Lizarratik Arbizura, eta hasi da bertan parte hartzeko izen emate epea. Bonoak 20 euro balio du eta Lizarran bertan ordaindu beharko da martxaren hasieran.

Lizarra eta Arbizu artean egingo da aurtengo Eskola Ibiltaria uztailaren 2tik 4ra

Aurtengoan Lizarra eta Arbizu artean izango da uztailaren lehen astean eta lurraren ustiapena izango da ekimenaren gai zentrala, honek ingurugiroan, gazteongan eta lurralde antolamenduan duen eragina aztertuz.